рұқсаттама

(Пропуск)

1) жауап ретінде айтумен қатар өз әскери қызметкерлерін тану құралы болып келетін құпия сөз. Әр тәулікке тағайындалады және командирлер мен күзеттік қорғаныс пен барлау бөлімшелерінің барлық жеке құрамына, ал жеке орналасқан бөлімшелердің қарауылдық қызмет атқару барысында патрульдеу тәсілімен патрульдеушілердің өз бетінше ауысымы үшін ауызша хабарланады. Шекара әскерлерінде Р. шекара наряд-тарына, сонымен қатар тексеруші тұлғаларға мемлекеттік шекараны қорғауға тапсырмаларды беру кезінде хабарланады. Әскери бөлімдерде Р-ны бекіту штабтың, ал жеке орналасқан бөлімшелерде кезекшінің қызметі болып келеді. Р. ретінде беретін жауаптың әрпінен басталатын қару-жарақ, әскери техника немесе әскери жарақтар заттарының атаулары болады (мыс., рұқсаттама "Ракета", жауап "Рига"). Р. түнде күзету сызығы мен орналасуы бойынша келесі бөлімшелерден өткен тұлғалардан сұралады.

2) тұлғасын растайтын және рұқсаттамалық тәртіп бекітілген әскери бөлім, күзетілетін объект, мекеме, әскери орындарының аумағына кіру құқығын беретін құжат. Р-ның бір жолғы, уақытша, тұрақты, автомашиналардың жүруіне, парадтарға және т.б. арналған мүліктік (мүлікті шығару үшін) түрлері болады. Тұрақты Р-ның үлгілері бақылап-өткізу пунктерінің (БӨП) кезекшілерінде болады. Бір жолғы Р-лар әскери бөлім командирімен бекітілген тұлғалардың рұқсатымен, БӨП бойынша кезекшімен, сонымен қатар бөлім бойынша кезекшінің үкімімен беріледі. Бір жолғы және уақытша берілген Р. тұлғаны растай-тын құжаттарды (төлқұжат, жеке куәлік және т.б.) көрсеткенде ғана жарамды болады.